शिवशाही

क्षत्रियाचे रुधिर ठिबके शिवलिंगावरी
नरव्याघ्र निर्मिले हाती पाजळल्या समशेरी

खंडो खोपड्यासम कैक तोडले षंढ
सह्याद्रीवर निर्मिली भगवी सत्ता अखंड

दिसतात अजुनही डाग रक्ताचे त्या दगडावरी
अफजल फाडून मायभूस अभिषेकले कृष्णेतीरी

हा मावळा घालतो मुजरा राजं तुम्हास तीन हाती
एका सुर्याने पेटवल्या करोडो स्वातंत्र्य ज्योती

राजदंड हाती घेतला अवतरली शिवशाही भुवरी
झुकल्या-वाकल्या गर्विष्ठ माना या शिवमंदिरी

मुजरा.......राजं..........मुजरा